呂慧儀昨日穿上虎紋tube dress於銅鑼灣世貿中心出席「Xbox 360元宵遊戲相睇日」活動，自言打機天分麻麻的她要找位男伴訓練技巧：「我唔反對人打機，因為有啲Game都幾有教育意義，只要唔沉迷就得。」
昨日元宵節，呂慧儀透露跟家人度過：「因為媽咪啱啱探完親返香港，我覺得今年冇咩情人節感覺。（男朋友一齊過？）以前男友會同屋企人拜年，但係依家冇拍拖。（有冇男仔約？）都有，但因為想陪屋企人而婉拒咗。」
今年有不少朋友到呂慧儀家拜年，問到可有發展的對象，她即笑謂：「冇喇！（帶有機會發展嘅返屋企？）次次都係成班朋友一齊，唔會單獨一個嚟嘅。（媽咪幫眼揀？）我都信得過媽咪眼光，佢會幫我揀個最好嘅。」
