謝安琪昨日為馬拉松比賽擔任嘉賓，遲到逾十五分鐘，到場時活動已進行，只好尷尬靠邊站，事後她稱因封路及塞車遲到：「我真係想由鰂魚涌跑過嚟！」
謝安琪、衞蘭、李治廷及陳柏宇昨日為馬拉松賽擔任打氣大使，眾人於早上九時四十分現身會場，但謝安琪遲到逾十五分鐘，其時三位嘉賓已在台上，她見狀只好站在台邊等候，事後謝安琪謂：「都幾尷尬，因為附近封路同塞車，所以兜咗去鰂魚涌，我真係想跑過嚟呀，但係住得遠冇辦法，又預計唔到塞車。」
衞蘭大讚貢米
對於「翻版張栢芝」貢米加盟Amusic，身為大師姐的衞蘭表示歡迎：「我喺春茗見過佢，佢好細個又靚，不過可能大家唔熟，所以有啲怕醜。（資源分薄？）我個人好Easy，唔會諗呢啲。」至於有傳黎太樂基兒有喜，衞蘭指公司未有公布，認為不是事實。
劉心悠跑包尾
而劉心悠、組合at17及周柏豪昨日參加馬拉松十公里賽事，藝人中以Ellen最快在一小時內完成賽事，其次是周柏豪及林二汶，而第五年參加馬拉松的劉心悠卻破自己「紀錄」以一小時四十分在藝人中包尾，她指因開跑後即感不適，但對成績亦感滿意。而吳浩康和張致恒昨日亦結伴參加21公里半程馬拉松比賽。
另外，謝安琪前晚出席反吸毒活動，對於好友關楚耀三月將重返樂壇，她表示也為對方心急。
文：音樂組