近年轉戰內地發展的李彩華（Rain），狂賺「人仔」成為圈中小富婆，身邊更有富貴緋聞男友王傲山出雙入對！日前Rain一身富貴打扮在灣仔睇車，原本已有一部逾20萬的開篷甲蟲車的她，在車行內甫見一架售價逾50萬凌志火紅色開篷戰車，即表現興奮跳上車試手感，又向職員查詢新車資料，對「新歡」心郁郁！
其後Rain轉戰金鐘太古逛街，先攻男裝部，似為男友置裝，後來又到女裝部揀高跟鞋，最後睇中一對價值3,400元的高跟鞋埋單，當她發現記者亦大方企定定任影，問她是否打算買新車，她說：「遇啱嘅都想換，依家仲睇緊，（係咪叫男友送？）自己搵到錢，梗係自己買啦！」
