賭王與四太梁安琪千金何超盈與三太大女何超雲向來老友鬼鬼，超盈前晚與一眾好友包括Moiselle太子爺陳柏熹出席姐姐的生日派對，到場時更拿出與男友早前到巴黎買的禮物，並介紹說：「係LANVIN嘅擺設，上面寫住Happy Birthday，係限量版。」
提到超雲帶同男友亮相，超盈聞言開心地說：「係呀？So sweet！我未見過佢男朋友，我上去睇吓先。」她表示弟妹已返回外國讀書，母親則在澳門，故只有她做代表到場。不過，超盈只逗留了大半小時便離開，並坦言：「因為姐姐只係訂咗三張枱，仲有好多朋友會到，我費事霸住張枱所以早啲走。」
