賭王與三太陳婉珍的大女何超雲前晚生日，不過三太稱不會送樓予愛女：「畀咗個數佢，佢鍾意買乜就買乜。」此外，超雲首度帶同男友Andy出席生日晚宴，正式與三太見面。談到對Andy的印象，三太坦言：「第一個印象幾好。（有冇傾偈？）傾得唔係好多，都係傾普通嘢。（超雲有冇同你講過拍拖？）有講過吓，唔係講得好多。（會唔會見雙方家長？）大家係朋友，你哋當啲乜？」她表示超雲在晚宴前未有向她透露會帶男友到場，故大感驚喜，而超雲曾向賭王提及拍拖一事，問到賭王是否戥女兒開心？三太說：「佢話唔好咁早拍拖，讀書先。」與之前賭王催促另一女兒超盈結婚的反應相差甚大。
