楊其龍（Gilbert）新開的酒吧Tazmania Ballroom前晚正式開幕，家姐楊諾思、邱李茂琪、Cara G.、貝安琪與母親劉香萍、潘楚穎和Rosemary等出席支持。而身為老闆的Gilbert就攜同一金髮女伴親自撐場，不過金髮女並非他的新女友，他說：「佢係我今晚嘅Partner。」
暫時唔結婚
其中Cara G.被問到在剛過去的農曆新年和情人節怎過時，她一臉甜蜜地說：「同男朋友一齊慶祝。情人節當日我哋共進三餐，男友仲買咗啲朱古力返嚟同我玩遊戲，我哋將啲朱古力搽到成身都係，又互相舔對方身上啲朱古力嚟食，玩到連隻狗仔身上都有朱古力。」問到可有計劃結婚？曾揚言恨嫁的她說：「唔想結婚住，我改變咗諗法，對現狀感到好開心。」
揀蠱惑女友
Gilbert就表示新酒吧投資近二千萬，他說：「有幾個Partner，我哋籌備咗都有年半。（你依家又做飲食又做時裝會唔會冇時間拍拖？）係呀，所以我好忙，依家仲搵緊。（係咪你要求高？）我諗係人哋要求高。（你有咩擇偶條件？）要聰明、能幹、蠱惑同埋惡。（要治你？）係，要治到我。」
文：名人組