因與陶喆一啜成名的岑潔儀（Zoey），雖然贏了人氣，但排山倒海的負面新聞令伊人備受壓力，險變成「沉」潔儀。為除黑氣，Zoey日前便到黃大仙廟拜神求福，祈求虎年事事順境，與是非緋聞「話別」。Zoey到埗便買香燭和小型風車，並添了香油，認真有善心。
Zoey雖依足傳統習俗誠心上香，但她表現論盡，除不慎跌香落地，更因當日香火鼎盛而被煙熏，頻拭淚水，認真狼狽！上香後，Zoey將願望寫在紙上，合十祈福，再使勁跳高，將願望貼在廟內的「祈福牆」。Zoey坦言超級迷信：「我仲有睇相、研究塔羅牌同風水。媽咪都好迷信，幫我睇掌後話我感情線雜亂，易有感情煩惱。（今年搵真愛？）唔會，要努力搵錢養自己，唔會靠男人。」
