港姐出身的「港版警鐘胸」高海寧雖然人靚身材正，想必有不少追求者，但風水師傅指她逢八或九才遇到真命天子，苦笑可能要待到2018年才能覓得真正姻緣。
「港版警鐘胸」高海寧昨日出席明珠台的《RADO瑞士雷達表呈獻: 劃時代建築》宣傳活動時，只以熱褲及露肩裝晒長腿及香肩示人，擺明封胸，同場另有港姐陳倩揚、何傲兒、李亞男及黃德斌等。
做師奶生活無憂
自言向來少戴錶的高海寧，未有儲手錶或首飾的習慣，只愛儲水晶戒指，她說：「其實水晶手鏈都少戴，因自己信菩薩，但都有少少迷信。（睇相？）都會睇風水、八字，但唔會信晒，（有冇話嫁到好老公？）佢話我會做個好啲嘅師奶，冇話係少奶奶，但都係生活無憂。」
陳倩揚法國奇緣
高海寧續說今年冇睇相，但因在娛樂圈工作，故會拜太歲，至於真正姻緣何時到，她說：「個個師傅好似蘇師傅都話，話我逢八、九先遇到，可能要等到2018年，希望八月、九月就會遇到！」另外，同場的港姐陳倩揚說以前當空姐時，試過一個人由羅浮宮行到聖母大教堂，路程約一小時。她又說：「最驚險係同個女仔行街時，有個法國人撩我哋，嚇到我哋衝入舖頭，肯定佢走咗先至走。」
文：名人組