楊千嬅與何韻詩出席公司春茗齊齊坐主家席，將於年底補擺婚宴的千嬅一聽到主家席即敏感說：「呢排同老公搞緊擺酒嘅嘢，丁生長輩多要成兩圍主家席，我想一日擺晒佢，日子仲未定。」千嬅透露已向阿詩及王菀之派利是，問到何時生ＢＢ？千嬅說：「演唱會之後。（呢排要好小心？）係呀。」有指她約滿Amusic，千嬅避忌說：「遲啲公布，未必係以前咁嘅形式合作。」
阿詩則透露每晚飛撲返家支持自己有份主演的電視劇《女王辦公室》，她說：「好幾年冇追劇。」由於她飾演汪明荃女兒，劇中不時「喪窒」對方，抵死的阿詩說：「如果大家想睇阿姐畀人窒就要留意套劇。」
