樂易玲稱雖然崔建邦被警方起訴，但並不為對方擔心，因乃意料之內。而對他之心情曾為此受到困擾需向心理醫生求助，樂易玲認為困擾乃人之常情，不過，昨日見崔建邦雖然瘦了十多磅，但精神不錯。樂易玲說：「Amigo好積極，佢知道自己要負咩責任，亦對自己做嘅事好有悔意，佢有講呢件事係佢畢生最後悔嘅事，佢會珍惜前途，其實，佢喺邊度跌低咪喺邊度企番起身，從頭做起囉！（無綫會放棄佢嗎？）當然唔會，佢做錯事都唔係絕路，無綫當然會畀機會佢，但接唔接受要睇觀眾，佢都要爭取番觀眾對佢嘅信任。」