崔建邦被落案起訴，兩位前女友鄺敏慧（中巴）與唐詩詠的態度惹人關注。記者昨日再就崔建邦被警方正式起訴一事聯絡中巴，但其手提電話多次未能聯絡得上，之後其經理人Frankie接到記者來電，未來得及提問已煞有介事說：「因為中巴唔喺香港，我哋冇嘢好回應。」
當問到可知崔被起訴，他即說：「呢件事係據聞定事實。（警方證實咗！）就算係，都係警方通知，唔係你哋，了解咗再覆。」不久，Frankie以ＳＭＳ回覆表示鄺敏慧在二月九日已去了日本工作，現在仍未回港，案情方面已交給警方處理，不便回應。
至於唐詩詠雖知道情況，但則稱現階段太敏感不便回應，不過，問她可會出庭支持崔建邦呢？她則說：「睇到時使唔使做嘢啦！」她又透過傳媒鼓勵舊愛：「無論發生咩事，都希望佢用正面態度面對。（係咪愛火重燃？）可以做番朋友，其他唔講啦，一直以嚟我都相信（指崔建邦）啦！」