唱作女歌手馮曦妤（Fiona）最近翻唱陽光檸檬茶廣告歌而廣為人識。唱作俱佳的Fiona自嘲畫功水皮，但對繪畫Molly公仔的畫家Kenny非常欣賞。她說：「自己唔識畫畫，冇天分，所以特別羨慕畫畫叻嘅人。Molly公仔畫得好靚，我好鍾意。」
元宵佳節將至，問Fiona如何度過？她笑謂：「我同『情人』過，呢個情人就係我家人。（見到一雙一對有冇酸溜溜？）咁又冇，呢啲急唔嚟。」有指師兄陳柏宇桃花甚盛，Fiona即堅稱與對方沒發展可能：「我鍾意男仔傻氣啲，佢太醒目。（鍾唔鍾意靚仔？）咁又唔使太靚仔，我反而鍾意敦厚老實。」
場地：美麗華商場
