憑《給自己的信》屢獲殊榮的Sherman，一年內連奪十一個獎，成績大躍進。當Sherman看着獎項時，面上流露滿足之情。她說：「我都係嗰句，呢首歌初時我係唔想唱，多得公司強烈要求先有一個咁好機會。經過今次後，我覺得同公司溝通好緊要。」

赴加拿大拍封套

據知唱片公司落重本，安排Sherman到加拿大拍攝新碟封套，她喜上眉梢說：「真係好開心囉！因為我冇去過加拿大，依家咁嘅市道，公司仲肯落本，我好感激。（會唔會順道去玩？）只去四、五日，不過我會盡量抽時間周圍行吓。」她又說希望新碟能承接《給自己的信》的優勢。雖則有云期望愈大壓力愈重，但勇於接受挑戰的她覺得壓力也是推動力的一種，能夠令人進步。

熱愛跳舞的Sherman，希望在暑期時到L.A.進修。

Sherman去年成績甚佳，相信將來成就有望達到師姐容祖兒（左四）的級數。（資料圖片）

最愛唱跳舞快歌

問到會否因《給自己的信》成功而喜歡唱抒情慢歌？Sherman坦言最愛仍是跳舞快歌，更打算再到L.A.學跳舞，但暫時未向公司提出及儲夠學費。她謂：「我諗去一個月，旅費連學費約三至四萬。依家我仲儲緊錢，但唔知公司會唔會批假畀我。」

文：音樂組