「模Art」Janice Man（文詠珊，JM）雖然在模界有一定地位，但在公司內卻遭「翻版張栢芝」貢米「狙擊」，不過JM十分淡定，揚言自己不是歌手沒有競爭。
JM昨以「美白女神」身份出席Biotherm產品發布會，即場分享及示範美容心得，又透露剛完成跟黃秋生、任賢齊合作的電影《報應》，在戲中成了「打女」，不過卻是被打的多，但在兩位前輩身上學到很多。
對公司有信心
談到其公司A Music將簽入「翻版張栢芝」貢米做歌手，JM說：「公司未同我講，就算簽任何人，都係好事唔係壞事，公司唔算人多，一間公司自然要有好多人，搵得呢間公司就係對佢有信心，我都唔係做歌手，各有所長可以有唔同嘅發展路向，不過外間人一定覺得我哋之間係會有競爭。」
派利是蝕大本
此外，單身的JM在新春期間亦有派利是，但依然「入不敷支」，她說：「派開工利是係心意，不過逗返嚟嘅都唔夠派，要負債！上年仲慘，我派雙封，但一直都冇人講畀我知派一封就得！（有冇收老闆黎明利是？係咪雙封？）唔通幾封咩！總之係大利是，一份心意啦。」
文：影視組