現時忙於拍戲的黃又南，昨日出席一間車行剪綵活動，原來車行老闆的妹妹甚喜歡又南，故邀請他擔任剪綵嘉賓。又南稱，近年少了玩車及改車，他解釋：「以前玩車，開快又有，改車又有，依家大個咗反而少咗，因為個膽細咗，覺得開咁快做乜o者？以前收工幾攰都好，都會『鍊』番轉；依家拍完戲，就寧願返屋企瞓覺，因為精神好緊要，玩車係娛樂，要搵到錢先可以當興趣。」
又南自爆入行初期曾有一次開快車時發生交通意外：「嗰次係喺高速公路開快車，因為閃避架切線嘅的士而撞車，好彩冇受傷，但我攞部車去車房維修時，有人問個司機死咗未！嗰時有備案，亦都算大命，驚咗好耐先再敢坐車。有次搭的士，家姐叫我坐車頭，因為司機開得幾快，我一路坐一路縮低，仲叫司機開慢少少！」