陳寶珠放下喪母之痛，專業地在台上演出，難過之情不言而喻，一班忠心影迷齊齊力撐，望偶像不要太傷心。而寶珠的圈中相識，也紛表慰問。
符小姐：我喺新加坡專程過嚟睇三場，都係睇報道至知佢媽咪過身，上次睇新聞知道佢媽咪年紀好大，人老咗始終會走，我哋成班影迷都會繼續支持寶珠姐。
張生、張太：希望陳寶珠演出成功，唔好傷心，我哋支持咗佢好多年。
崔小姐、劉小姐：睇報紙知道呢件事，希望佢節哀順變，影迷全力支持佢，佢自己都要注意身體，唔好太傷心。
陳志雲：陳寶珠母親離世當晚，我都喺紅館，希望寶珠節哀順變，快啲回復心情，佢仲有演出。寶珠真係好專業，佢嗰晚都做得好好，反而我哋喺台下睇到好心痛。
林建明：我同陳寶珠有共同朋友，常有來往。佢媽咪呢種形式走，都係有福，唔使受痛苦，畢竟陳媽媽大年紀，都係笑喪，相信寶珠都明白。
