南鳳：寶珠姐同我講過，冇宮粉紅帶大佢，佢根本就養唔大。（會唔會安慰寶珠姐？）口好難講，會寫封信畀佢，演出前擺喺佢枱面，希望佢嘅演出做到尋晚水準。
梅雪詩：寶珠媽咪係我哋嘅前輩，細個嗰陣，師傅成日帶我哋同前輩見面，每次見面都覺得前輩和藹可親，今次件事實在好突然，亦為寶珠姐難過。
阮兆輝：同宮粉紅好熟，成日飲茶，可惜近年佢都認唔出我。今次替寶珠辛苦，但呢個係藝人必須面對嘅階段。
李香琴：朝早我已經同寶珠通電話，我叫佢最緊要鎮定，我仲鼓勵佢好好做埋其他三場。我同宮粉紅未合作過，佢係前輩，早我好多年出道。
謝賢：同寶珠姐合作過幾部戲，同宮粉紅就好少接觸，今朝睇報紙知道。寶珠姐當時喺台上仍未得知，身為藝人亦沒有辦法，今次屬於意外事件。
