本文重點
譚詠麟（阿倫）、楊千嬅、官恩娜及鍾鎮濤等前晚出席電影《財神到》首映禮，內地22歲女新人鞏新亮谷胸登場，成為全場焦點，阿倫搞笑地叫大家一齊讓開，讓她站正最中間，更說：「唔好阻住佢影相，哇！佢事業線好強！」令鞏新亮相當尷尬。阿倫笑說：「我同佢有對手戲㗎，佢喺戲入面仲要勾引我，不過當時條事業線無咁勁。」
唔使阿倫生仔秘方
同場的楊千嬅表示沒有向校長請教生仔秘方，笑稱自己事業心強，更說：「事業線每個人唔同，我生喺額頭。」至於有指她因妒忌周秀娜「事業線」而暗示她偷敖嘉年手提袋，千嬅笑說：「我喺娛樂圈15年，要一個女人個胸大過我唔難，我嫁咗啦，無緋聞咪寫呢啲囉，唔緊要，當係宣傳。」另外，當晚適逢是鍾鎮濤新舊曆同日生日，眾人唱生日歌及送禮物與他慶祝。而官恩娜表示今次客串演出，亦是首次拍古裝，稍後她會進行詳細身體檢查，包括計算剩餘卵子。
文：影視組