曾幾何時，撞衫係女人大忌，但時代唔同，撞衫都變潮流，只要「你敢着、我敢撞」。如果近期有留意報章雜誌，都會見到一班荷里活女星或者本地女星，個個爭住着Celine，點解？咪又係一個「潮」字，因為呢個系列係Phoebe Philo首個重出江湖作，就算撞到七彩都照着可也！
泰迪史雲頓簡直型到爆，由頭到腳都襯到絕，加埋一頭短髮，完全着出男性化味道。
珍妮花安妮絲頓着黑色Deep V長裙冇乜特別，一貫Elegant味道，但勝在冇隨波逐流只着西裝褸。
李嘉欣就着出Celine味道，簡單得嚟好女性化，尤其是Tight Pants配高跟涼鞋，整體感覺好型。