GiGi昨出席I.T旗下的Maison Martin Margiela（MMM）於中環新店開幕酒會暨SS 10女裝系列作品展覽，八件展品由巴黎專程運港，一身MMM打扮的GiGi賣口乖大讚品牌有型又時尚，說到打扮則慳妹上身：「其實我好慳，我慳嚟啲錢買樓，我計劃送層樓畀家人住近我，依家我住中環佢哋住西貢，隔得太遠，我不時掛住佢哋，住近啲都方便家人。」認為人愈大愈想同屋企人close一點，父母又年紀大，上星期婆婆八十歲生日笑得很開心，GiGi珍惜地拍下不少相片留念。

GiGi一到場即大派利是，認真豪氣！

潮媽徐濠縈被親友狂追陳奕迅個唱的門票。

買樓未定budget

對財政預算案公布2000萬元以上的豪宅會增加厘印稅，GiGi說：「會貴咗，但我都唔知買幾多錢嘅樓，到時要睇心水。（買樓budget幾多？）唔知，最緊要佢哋鍾意。」問她有否帶男友與家人拜年？GiGi坦言家人還未接受他，不喜歡她與外籍男士拍拖：「佢哋比較保守，反而我見過佢屋企人。（男友有冇唔開心？）都有少少，順其自然。（有冇阻礙你哋發展？）屋企人係重要，好在好尊重我自由，我唔心急，慢慢來。」

阿徐教女儲利是

同場的徐濠縈農曆新年與陳奕迅（Eason）及囡囡一同拜年、燒烤，並派了五位數利是，她教女兒將利是儲起，至今儲起的利是錢已有六位數！Eason雖然即將舉行演唱會，今次反而比較清閒，一起身就陪女兒，有時還買外賣早餐。阿徐反而被親友狂追演唱會飛，母女倆會一同睇Eason演唱會頭場，但為了保護女兒，正物色較為隱蔽的位置，不想女兒曝光太多。

文：名人組