財政司司長曾俊華昨日公布本年度財政預算案。近日豪宅炒風仍未冷卻，「財爺」出招提高印花稅，不少圈中富戶對買豪宅的心態不一。

免兩月租讚好

容祖兒雖是圈中公認的「富婆」，可是她卻笑稱自己未有資格買二千萬豪宅，她說：「嘩，二千萬？未得住，我要儲吓錢先！」在旁的蔡卓妍（阿Sa）卻對豪宅虎視眈眈，她說：「二千萬？買先算，不過我都想買嘅！」

另一方面，家住柴灣公屋的Lavina覺得免租金兩個月是好事，Lavina說：「我覺得真係可以令阿媽負擔冇咁大，無論退稅或免租金都可以幫到我屋企！」對於事不關己的豪宅加印花稅，Lavina認為這是好事：「好合理呀！買得二千萬豪宅都唔爭在畀多啲啦！不過都唔關我事，最緊要係我要儲錢，買樓帶媽咪脫離公屋！」

樓市只跌唔升

而一向以買樓作投資的任達華，對於加印花稅一事，他舉腳贊成：「其實呢幾年炒樓風氣太盛，政府可以杜絕情況，所以我絕對贊成！」他又表示未來三年也不會在香港買樓：「因為我覺得炒風太勁，樓市只會跌唔會升！」

文：專案組