湯唯終獲解禁，新作《月滿軒尼詩》可於內地上映，《月》片導演岸西表示從來不覺湯唯被禁，可能有新戲上才被誤會，岸西說：「如果湯唯真係被封殺，我哋都搵唔到佢拍戲啦，其實佢一直有嘢做，有拍廣告同讀書進修。」岸西大讚湯唯演戲表現出色，好到出乎其意料，更說：「我對佢梗係好滿意！佢好可愛又認真，遲啲佢會去韓國拍戲，將來只係驚請唔起佢演出。」
除岸西力撐湯唯，本土不少電影人亦大表支持，杜汶澤透露早前已有導演拿劇本找湯唯，相信解禁是好事。寰宇高層則認為如果有封殺傳聞會擔心影響影片發行，解禁後有合適劇本會再作安排。吳思遠讚成湯唯解封，以補內地女演員不足的現象，他說：「依家內地女演員數埋得五個，范冰冰、李冰冰、周迅，仲有個趙薇又大咗肚。」至於王晶則會先看巿場反應，再考慮是否會邀湯唯合作。