本文重點
陳豪、佘詩曼及陳敏之昨日為古裝新劇《公主嫁到》開工，雖然之前有傳陳豪與阿佘因拍劇眉來眼去撻着，但現場所見二人不但沒有眉目傳情，更專心拍戲及對稿，有講有笑完全沒有半點尷尬。
同場的陳敏之不用埋位時竟要戴上頸箍，記者事後致電慰問她，她即大吐苦水謂：「啲頭飾太重整到條頸，搞到膊頭、雙手同手指都受影響。」阿佘亦笑謂：「之前我拍《宮心計》就試過戴住頭飾揸開篷車，但因為頭飾太高，搞到我要「開天窗」等個頭飾突出架車外面！」
廖碧兒懶理傳聞
阿佘與陳豪緋聞傳得鬧哄哄，同樣身為陳豪緋聞女友的廖碧兒理應不會獨善其身。昨日碧兒出席公開活動被記者追問阿佘要告雜誌炒作她與陳豪緋聞一事的看法，豈料碧兒卻置身事外謂：「我冇見過佢（阿佘），亦唔會追問，唔關我事，我唔回應，依家係新一年，件事已過咗去。」碧兒又表示新年期間沒有見過陳豪，但卻將姨甥女的近照傳給對方看，看來二人關係依然微妙。