gag神今次出了一條話難唔難，話易唔易的IQ題考吓歌手，諗住大家都可以過關威番次，點知事與願違，接受考驗的陳慧琳、孫耀威和林二汶都令gag神「大失所望」，竟然全部捧蛋！
題目：冬天裏，不通過加熱，如何才能把冰立刻變成水？
孫耀威：將塊冰含入口，利用熱力融咗佢，或者夾喺胳肋底，用人體嘅溫度整融佢。（雖然老孫兩個答案都有紋有路，一個正經一個搞笑，可惜兩個都錯，當他知道真正答案後即「唓」一聲）好爛呀，仲爛過我嘅答案，不過我會用呢條IQ題嚟問女仔，睇吓女仔嘅焦急樣。
陳慧琳：我知，開水喉射住塊冰，就會變成水。（錯！）唔……冬天喺熱帶地方，例如泰國、馬來西亞，塊冰好快就變水。（都錯，答案係冰字唔要兩點。）好無聊！完全諗唔到。
林二汶：將塊冰擺喺口度，慢慢就會融變成水。（錯！係要即刻變水。）諗唔到，答案係乜？（冰字唔要兩點。）唔該晒，我要攞嚟問吓啲friend，平時我個腦轉得好快，但今次真係畀佢考起。
答案：把冰字兩點去掉