Kay昨日和孫耀威以「有衣食大使」身份到奧海城出席「有衣食日」啟動禮，與家人歡度數天假期復工的她顯得精神奕奕，問她新年期間如何度過？Kay開心表示：「同屋企人一齊，多數係啲親戚朋友嚟我哋屋企拜年！」問囝囝今年逗了多少利是，她說：「佢今年逗咗好多呀，但我都教識佢利是係一種福氣！」

大唔透呷醋

問Kay派出的利是有否回本？她說：「未拆呀，阿囝收到好多熱情親友嘅利是，好多親友我哋冇去拜年，但佢哋都照畀利是託婆婆、爺爺或者嫲嫲畀囝囝，真係好有心！」Kay更自爆新年帶囝囝外出期間，不少歌迷或途人均送上利是，她一臉醋意表示：「原來阿囝好多fanso架，好多人畀利是佢，都唔係畀我！」由於今年兒子利是大豐收，所以Kay說：「我會將佢嘅一半利是錢捐去慈善機構，留番一半畀佢開心吓！」此外，Kay笑言不用老公張繼聰送情人節禮物，因為每次都不合她的心水，為免得物無所用大可慳番。

宣揚有衣食

Kay亦不忘向大家宣揚環保及「有衣食」美德，她表示明白粒粒皆辛苦的道理，所以吃剩了的食物定必「打包」：「我平時會同女助手叫一碟飯兩份食，咁就唔怕食唔晒會浪費！」

採訪：音樂組