人人對「嫁期」都抱不同看法，跟吳浩康拍拖多年的莊思敏，自爆人人都怕她嫁不出，新年期間都恭祝她早日結婚，自言不恨嫁的呂慧儀則說已考定潛水牌準備搞水底婚禮；而昨日廿五歲生日的台模瑞莎，自爆緋聞男友萬寧哥哥已送上三支玫瑰花賀生辰，顯然情非泛泛！
身為吳浩康女友的莊思敏昨日為法國婚紗行騷，自爆新年期間人人都恭祝她早日結婚：「好似驚我嫁唔出咁，除咗朋友外，家人冇催婚。」她續說剛過去的情人節非二人世界，反而和男友及朋友共度外，更替男友買下送給自己的情人節禮物：「其實個手袋係我睇中先，然後打畀佢話幫佢買咗，我就送咗個手機畀佢。」
獲贊助婚紗和拍照
此外，昨日港姐「長腳蟹」呂慧儀為蒙娜麗莎行婚紗騷，自言每年都跟品牌合作六、七次，故獲對方承諾將來結婚會贊助拍照及婚紗，而她對婚禮更有另類想法：「我想特別啲行水底婚禮，我已考咗潛水牌，好易考。（親友點觀禮？）結婚係兩個人嘅事，反正擺酒都會招呼親朋，到時拍片畀番佢哋睇。」
萬寧哥哥送花冧女
另外，烏克蘭籍的台模瑞莎昨日行騷時，其緋聞男友萬寧哥哥沈志明（Z.O）繼續在台下為她拍照，瑞莎更自爆昨天是她廿五歲生辰，除收到fans致送的生日卡外，亦收到Z.O送上三支不同顏色的玫瑰花。問到是否寓意我愛你，瑞莎即甜笑說：「我冇問。我生日願望係多啲人鍾意我同遇到另一半。（Z.O唔係咩？）哈！我唔講得，總之依家係好朋友。」
文：名人組