「第六十屆柏林電影節」曲終人散，《歲月神偷》於「新世代單元」勇奪水晶熊大獎，成為首部獲此殊榮的港產片。該獎主要是針對青少年及兒童觀眾，而兒童評審團的十一位成員則在超過二千五百名青少年中篩選，《歲》片脫穎殊不簡單。據悉，《歲》片製作費不超過一千萬元，部分資金更靠香港電影發展局撥款，故獲獎消息無疑為小本製作注下強心針。

與妻女過年

羅啟銳與張婉婷於柏林時間二十日晚親手領過水晶熊後，心情興奮不已，不忘多謝台前幕後，翌日早上二人即收拾行李，乘飛機凱旋，計劃今早抵埗後會合任達華及吳君如等，於機場接受媒體祝賀分享得獎感受。

由於檔期緊密，任達華日前僅在柏林逗留兩天，未能親身感受得獎喜悅。昨身在上海的他透過長途電話說：「有成十四部電影角逐，攞到獎一啲都唔簡單。電影講述六十年代中國香港人嘅拚搏精神、夫妻情同父子情，能夠喺全球表揚呢種價值觀，我以身為中國人感到驕傲。」他又笑言自己就是要維護與家人感情，所以才提前離開柏林，趕往上海會合妻女過年：「我絕對發揮到電影所要表揚嘅精神架，過年點都要陪吓屋企人嘅，我依家都準備搭飛機返香港，明日（即今天）會出席記招以作支持。」

機場攬一攬

「三姑」吳君如因為要陪陳可辛返泰國過年，所以未有隨大隊到柏林，今天她又要到橫店逗留兩個月拍戲，不過她會出席完記招才入閘：「羅啟銳、張婉婷返嚟我就走，雖然前後腳但點都要聚一聚、大家攬吓嘅，拍完套戲好似變咗家人一樣。昨晚（即前晚）喺公布賽果前半個鐘接到佢哋嘅短訊，我興奮到難以形容，用咗好多個『勁』嚟回覆佢哋。講真，我哋呢啲小成本製作冇錢做大型宣傳，今次攞咗獎絕對係極佳嘅宣傳方式，我對票房好有信心。」

至於戲中扮演君如兒子的李治廷，則表示得獎是他二十六日二十三歲「牛一」的最佳禮物。

文：影視組