模特兒Mandy Lieu以代言人身份，昨日出席春天婚紗活動，Mandy沒有因甩拖而消瘦，反而肥了一點，她表示因契媽買不到機票來港，惟有她飛去馬來西亞度歲：「我返咗家鄉怡保過年，好熱鬧有舞獅、燒炮仗，仲𢭃咗唔少利是。」被問會否被催結婚，她說：「冇。（係咪知你已同陳柏霖分手？）我乜都有同家人講，佢哋乜都知，冇再追問。」着上大露背婚紗的Mandy被問會否觸景傷情，她說：「沒有，我同呢間公司合作咗四年，不過今次第一次出席活動。（有冇諗過與陳柏霖影婚紗相？）冇。」

感情事隨緣

Mandy雖然與柏霖分手，但再見亦是朋友，問到新年有否致電柏霖，她說：「我都講過我哋仲係好朋友，當然會打電話拜年。」但當問到有否復合機會，她則決絕表示沒有，至於會否想快啲有新戀情，她說：「感情的事只好隨緣。」

回復單身的Mandy披上婚紗明艷照人。

Mandy過年有和舊愛通電話拜年。

未打算退出

另外，Lisa S.表示模界新人輩出，會退出不做模特兒，留個機會給新人，Mandy說：「我好尊重佢嘅決定，做乜嘢事最重要開心，但我就未有退出嘅打算。」

文：名人組