鄧紫棋（G.E.M.）昨日在鑽石山為《交響情人夢最終樂章電影版前編》限定Music Cafe開幕禮擔任嘉賓，並即場自彈自唱一曲來啟動巨型旋轉音樂裝置。早前G.E.M.自爆有圈中人追求，有指這人是歌手陳柏宇，但遭對方否認之餘，還笑G.E.M.「諗多咗」，對此G.E.M.一臉尷尬說：「新一年唔再講，公司叫我唔好講，我冇男友，（陳柏宇話你諗多咗？）我冇諗過陳柏宇喎，係咪佢諗多咗。」她直認公司希望她「收口」，她說：「公司唔算訓話，只係唔想我講太多音樂以外嘅事，但以前公司話可以拍拖。（情人節點過？）同屋企人過囉，依家冇追求者，原本嗰啲都唔算係。」