有「翻版大S」之稱的o靚模李莉琳（Liz）日前相約師妹梁筠兒（Bambi）行花巿，周圍格價買靚花過年。兩人否認想趁新春行桃花運，Bambi更說：「今年就算有人想追我都唔好諗啦，因為我已經決定萬事以事業為先，唔會隨便拍拖，如果對我有意思都要有耐性等多幾年。」
以工作為先
而身邊的Liz卻不諱言恨拍拖，貪心的她笑說：「事業同愛情兩者兼顧都得啩？」其後Bambi突然變身，扮經理人教訓Liz：「公司畀咁多機會我哋，梗係工作為先啦，做娛樂圈要人緣同觀眾緣嘅桃花運，所以我哋買花都係為工作架。」
望寫真大賣
兩女行花巿之餘都不忘向老闆賣口乖，一邊讚花靚，又大讚老闆好人，更一邊向老闆攞折頭，氹到老闆笑騎騎，半賣半送益兩人，令Liz和Bambi豐收而回，她們不約而同說：「希望行咗花巿今年會行大運，年中出三點式寫真都會大賣特賣。」
文：影視組