本文重點
吳君如情人節當晚與男友和囡囡享受浪漫燭光晚餐，收到一大束鮮花的君如以為房間內會另有情人節禮物，可惜卻空無一物，最後還要將鮮花讓給女兒，到頭來「得個吉」。
吳君如、古天樂和鄭中基，聯同老闆兼導演黃百鳴出席電影《花田囍事2010》的開年飯晚宴，寰宇公司老闆林小明亦有到場。席間吳君如透露情人節當晚過「三人世界」，跟男友陳可辛及囡囡到泰國風景最靚的餐廳吃燭光晚餐，並收到陳可辛「枱咁大」束玫瑰，但對方卻沒有求婚。
吳君如又表示以為會在酒店房發現神秘情人節禮物，可惜只是一廂情願：「陳可辛話原本想送珠寶畀我，點知珠寶商放咗假，聽到我火都嚟呀，好在我都冇送嘢畀佢。」君如更指囡囡因見她有花收而呷醋扭計，最後君如要將鮮花轉送寶貝女，情人節禮物落空。
黃百鳴輸票房落寞
對於《72家租客》票房在港暫時領先《花》片，君如就語帶雙關說：「佢哋有催眠式宣傳又有無限贊助，我都冇辦法。（意外？）真係，（票房）飆升得好勁，快得太緊要。」黃百鳴亦表示對家有電視平台強力宣傳，並落寞說：「如果我哋咁做要成千萬，依家恭喜佢囉，最緊要大家都收錢。」
文：影視組