家英哥說：「當時我哋（尹佬）差不多半年就有一次聚會，跟其他癌症病人一齊，互相鼓勵吓，尹佬又出碟教人防癌同調節患病心理，仲同米雪去廣西助養小朋友，（尹佬當時有咩鼓勵畀患病嘅你？）叫我開心，同佢一樣，我舊年都喺四川助養兩個小朋友，其實患病過程我都有得着。」

明星足球隊成員黃日華透過助手表示，失去尹佬這名戰友，當然感覺不好受：「華哥話睇佢哋（指米雪方面）有咩可以幫手就做啦，如果工作檔期撞上都叫我遷就。」

前日明星足球隊於尹佬離世後首次落場練波，眾人不約而同改穿黑色波衫，劉浩龍說：「球隊波衫原本係紅色，我只係為咗尊重前輩而改着黑色衫，點知其他人都一樣，冇夾過架。」

任達華昨日黃昏由柏林返港，對於好友尹志強病逝，他眼紅紅說：「知道，依家明星足球隊會安排所有嘢，米雪都唔使擔心，繼續工作，佢係好堅強嘅人，總之朋友離開咗，其他嘢唔想再多講。」

任達華昨日由柏林返港，提起尹佬即眼紅紅。

黃日華痛失尹佬這名戰友，坦言難受。