本文重點
米雪於圈中人緣甚廣，跟她合作過的藝人，都對她的堅強性格讚賞不已，其中由邵氏年代已合作的惠英紅說：「佢份人好堅強，成日都係報喜不報憂。（會唔會致電安慰佢？）遲啲先，我相信佢都唔方便講電話。」
跟米雪合作過《宮心計》的謝雪心表示：「雖然話有心理準備，但離開咗要面對都會好難過，希望米雪堅強啲，心情唔好都要食嘢保重身體，因為仲有好多嘢要面對；呢幾日都唔敢打電話騷擾佢，不過見到佢，一定會攬住佢，畀佢支持。」
佩服抗癌精神
陳豪昨日到電視城為《公主嫁到》開工，問他會否過廠搵米雪，他說：「唔想騷擾佢，等佢多啲空間，之前我都有傳短訊安慰佢。」
李司棋：「希望佢節哀順變同向前看；尹佬同米雪真係好恩愛。」曾患癌的李司棋，亦很敬佩尹佬的抗癌精神，並惋惜對方去得太早。