謝安琪形象硬朗，每日在外衝鋒陷陣過後，只想回家享天倫，她說：「其實我係好『他條』嗰種人，打鞦韆都可以打幾個鐘頭，有時又鍾意喺花園度開餐，享受吓同屋企人食飯嘅時間。」談到虎年願望，謝安琪除想推出華語碟外，竟表示想做家中的印傭：「我最想做屋企個印傭姐姐，因為佢可以成日攬住我個仔，又可以成日同佢玩，真係好想呀！」

派五位數利是

謝安琪坦言很注重農曆新年：「雖然我哋唔係好傳統，但一定要行花市、寫揮春、擺糖果盒同埋勁煎年糕，我成日覺得新年過得開心，成年都會好開心。」她已預備五位數字派利是：「其實我都係派咗兩年咋，不過我都算派得濫，基本上有打招呼就派，不過加埋都係五位，好難去得到六位嘅！」

問謝安琪可有教兒子張瞻拜年？她說：「佢都知係祝福，我會幫佢儲起啲利是錢，有啲又會捐出去，佢知o架，佢仲會同我講：『我捐咗三千蚊利是！』其實都唔止三千蚊，不過對ＢＢ嚟講已經好多錢，所以佢係咁話自己捐咗三千蚊，好搞笑！」

文：音樂組

攝：馬永堅

場地：Macro Polo Hotel

服裝：Unique top shop

化妝：Andy Leung@Make360.com.hk

髮型：Derrick Ng, Winky@P.O.P hairdressing

造型：Ricky Sham