林海峰（Jan）用Y及H字為YOHO MIDTOWN設計「鎖匙」標誌及一系列紀念品。Jan昨日出席記者會時表示，首次與地產商合作順利，第一次交設計圖已收貨，轉頭便收到支票。問到酬勞是否很高？他笑言：「冇，我對金錢已經麻木，但合作得好開心。（有冇攞折扣買樓？）冇啦，我都好失望，諗住今日會有條鎖匙收添！其實構思鎖匙，係因為細細個睇台慶，啲人抽鎖匙贏樓。」講到當年首次榮升業主心情是否興奮？Jan即謂：「畀完首期個袋得番一蚊，恐懼就有，不過香港人都會將呢啲壓力變推動力。」