米雪為了不想拖慢快將煞科的《女》劇，昨晚帶着悲傷心情開工。心情沉重的她到場後即從後門入影廠避見記者，化妝師亦非常體諒，移師到影廠為她化妝。監製林志華表示雖不忍米雪帶着悲痛心情開工，但亦尊重其意願。

尹佬與米雪恩愛多年，已被朋友視為一對。	（左）馬德鐘（右）張可頤	陳法拉

無聲勝有聲

同劇演員張可頤表示，她會以行動去關心米雪，更稱今日會煲湯給對方飲。她說：「作為同事，我會將佢嘅情緒做到最平復，盡量紓緩佢，有時沉默反而係最好。」馬德鐘亦認為無聲勝有聲，希望大家不要太着意。他說：「佢返得嚟開工已經好堅強，今日大家嘅工作態度同氣氛都好重要，所以我今日會好專注，快手快腳，希望畀多啲時間米雪休息。」

米雪在電視城內人緣甚廣，《女》劇以外的演員郭晉安、陳法拉和鍾嘉欣昨日都報以慰問。曾與米雪合作《五味人生》的安仔表示：「見米雪今日開記招時都笑晒啦，既然佢咁積極，有信心佢可渡過今次難關，我哋會支持佢。（米雪係咪報喜不報憂嘅人？）係o架，佢成日都好開心、好樂天又少投訴，生老病死係正常，我哋應該積極面對。」陳法拉則佩服米雪專業和勇敢，是個堅強的女人，對前輩尹佬離世感到可惜。她說：「我尋晚都有ＳＭＳ安慰佢，不過冇覆。」

鍾嘉欣心照

在《家好月圓》飾演米雪女兒的鍾嘉欣，大讚尹佬有體育精神，積極面對癌魔，對其離世感到惋惜：「佢去咗一個舒服嘅地方安息，（有冇問候米雪？）佢身邊已經好多人，畀啲空間佢，做人唔使講多，心照就得嘞。」

文：影視組