尹佬外甥梁漢文（Edmond）昨日在記者會上全程眼鼻通紅，他說：「舅父離開咗，好坦白講呢個病纏繞咗一段時間，身為佢親人、朋友、身邊人，其實都唔好受！咁長時間同癌病抗衡，佢嘅毅力值得香港人學習。記得以前喺球場上，無論啲人點侵犯佢、踢佢，佢都唔會打茅波，佢哋體育精神同樣好值得後輩學習。」
之後Edmond接受本報電話訪問，黯然地透露最後一次見舅父的情形：「初一探佢，當時佢情況唔係幾好，但都有少少反應。」Edmond憶述曾受舅父鼓勵而入選香港青年軍，雖然最後參加新秀加入樂壇，但仍難忘小時候匿埋球場睇舅父踢波的點滴。此外，BIG FOUR三月開騷，專業的Edmond將如期於明日與許志安、蘇永康和張衞健進行綵排。