大年初一遇上西方情人節，樣子酷酷的古天樂一改平日形象，為一眾女影迷獻出第一次，親自炮製甜心朱古力向fans隔空傳情。談到擇偶條件，古仔直言：「到咗依家呢個年紀，唔會再諗長髮、身形高挑呢啲外在條件喇，最緊要係兩個人之間嘅相處同感覺。話明姻緣，梗係要講緣分啦。」
古仔與一般男士無異，覺得情人節好像是為女生專設的：「女仔會為咗所愛嘅人跑去學整朱古力、蛋糕，特意為對方學一樣嘢，最緊要係享受過程，畀對方知道你嘅心意。」
自入行後，古仔不諱言很多佳節也感受不了節日氣氛，唯一有所不同的，便是農曆新年：「過節就算有假期，都怕人多匿埋喺屋企，不過農曆新年媽咪會拜神、整嘢食，又有親戚嚟拜年，足不出戶都感受到氣氛啦。」