小天后泳兒、洪卓立及鍾舒漫昨日出席電台活動，架上大墨鏡現身的泳兒謂：「我呢幾日皮膚敏感，醫生叫我要戒口，同埋唔好化妝。」她又透露原定昨晚到老闆楊受成的家迎虎年，但現時要因病缺席，鍾舒漫即安慰她說：「初三再返公司拜年攞利是啦！」此外，洪卓立前晚為電影《翡翠明珠》開工，他透露戲中飾演林峯的豬朋狗友：「場戲講我哋拍住『覓食』。（現實生活中有冇？）有試過去唱K識朋友，交換咗電話都冇下文。（唔啱食？）我都揀飲擇食架！」