阿Sa和William去年工作不斷，莫說是放大假，就連休息的時間也不夠，早前兩位大忙人在新戲《美麗密令》中結片緣，更有不少對手戲。不過踏入虎年，兩人可以小休充電，阿Sa表示：「我放幾日假，要陪屋企人。

掃紅底攞好意頭

阿Sa自爆會狂掃紅Bra及紅底褲過年，她笑稱：「我同化妝師買全新紅色內衣同內褲，（會唔會着？）梗係會。」談及賀年美食，阿Sa自爆對年糕情有獨鍾：「一定會食年糕，超鍾意食，唔驚會食滯，年年都係咁食。」問到新年願望，阿Sa直言最緊要身體健康，她說：「我好想休息吓，早排日日都開工十幾廿粒鐘。」

今日大年初一，適逢是西方情人節，問阿Sa會否「恨」桃花當旺？她說：「ＯＫ啦，我想事業運旺啲，（桃花呢？）我好多朋友。（屋企人催婚？）冇。（同鄭中基拜年？）唔會。」

放大圖片	兩人抱起小fans合照。

互餵甜蜜朱古力

至於William直言放假必定陪家人過年，他說：「平時冇乜時間陪媽咪，佢都試過詐型。今年係我第二年派利是，準備咗五位數字。（舊年吸金多？）多得廣告商同公司支持。」他又謂虎年繼續歌影視三棲發展，至於感情方面，他只說：「唔想有住，因為歌影視已注滿我生命。」

兩人除暢談過往難忘溫馨的情人節外，更以情侶檔姿態炮製情人節甜品，互餵甜入心的朱古力，Sweet爆！

採訪：專案組

攝影：黎志輝

場地：金鐘太古廣場、Dan Ryan's Chicago Grill

（on 阿Sa）

髮型：Sing Tam@O4 Orient 4

化妝：Natalie Soo@make360.com.hk

服裝：JOYCE

（on William）

髮型：Davy@Chin.G

化妝：Kei Kei

服裝：adidas、Energie、Diesel