「六料影帝」張家輝前晚以苗圃行動助學大使身份現身維園年宵義賣福米，吸引大批市民圍觀。市民為一睹家輝風采，將攤位擠得水洩不通，有倒塌危機，最後要苗圃出動義工維持秩序。全心全意行善的家輝搞gag氹市民開心，他說：「快啲嚟捐錢畀張家輝！」氹得現場觀眾哈哈大笑。
家輝說：「我好多年冇行花市，今年雖然又凍又落雨，但都好熱鬧，我原來吸引到好多情侶捐錢。我都好耐冇近距離接觸市民，我祝各位善長有福報。新年我本來想出埠，但太遲趕唔切，依家選擇留港囉！情人節節目係喺屋企大覺瞓，新年係願望世界和平。我張六帝叫老虎出嚟咬走妖魔鬼怪，等來年唔好再有咁多天災人禍，新一年大家過得開開心心！」
