今年大年初一撞正情人節，Chrissie與男友Avis專誠到高級法國餐廳，品嘗情人節大餐Passionne Valentine's Day Dinner。擁有32D逼爆身材的Chrissie穿上性感服飾，站在桃花樹下更顯明艷照人。

衣不稱身笑爆嘴

Chrissie大讚男友懂得炮製驚喜，她說：「有一年情人節，Avis以『牛仔look』嚟接我，佢話冇訂位要去食大牌檔，搞到我仲扮到靚一靚！其實佢原來一早訂咗餐廳，不過嗰間餐廳係『衣衫不整恕不招待』，所以佢要借侍應嘅恤衫西褲着。但件衫唔啱佢着，望住佢食嘢個樣諗起都搞笑。」

Chrissie讚男友懂得製造驚喜，今年必定甜蜜過節。	周秀娜用口餵男友食心形脆片，非常甜蜜。	兩口子進餐時拿起老虎仔公仔大玩特玩，寓意虎年行大運。

男友細心好感動

拍攝期間，兩人表現恩愛，經常打情罵俏，Chrissie更主動餵Avis喝黑魚子西蘭花濃湯，Avis亦一臉受落。Chrissie坦言現在很少時間陪男友及家人，但Avis仍樂做她「背後的男人」。她說：「之前我部電話壞壞哋，佢就靜靜雞買咗部iPhone畀我，唔單止幫我set好遊戲同鈴聲，仲主動問我經理人攞年曆相去做電話保護套。雖然我唔小心唔見咗，佢唔單止冇怪我，仲掉番轉頭安慰我，話冇嘢係唔公開得，叫我唔使唔開心，嗰刻真係好感動！」Avis補充：「其實佢唔見咗都有啲嬲，但見到佢咁忟同唔開心又唔捨得話佢，電話對佢好緊要，所以決定再買過部畀佢。」

文：專案組　攝:黎志輝

化妝：Jonathan_Y（Chrissie）

髮型：Wil@Chin G.（Chrissie）、Charisma（Avis）

服裝：Pink Martini（Chrissie）、izzue（Avis）

場地：國金軒、The French Window

老虎仔：Colour Rich