新春佳節將至，ontv直擊o靚模羅凱珊（Kama）辦年貨情況，為食的Kama到花園街試食賀年糖果，更向老闆娘「抓」折頭。她又向ontv觀眾傳授種水仙秘訣，希望大家過年行大運。
Kama逗留台灣工作足足一個月，日前趕及回港做個孝順女，趁農曆新年為媽咪到旺角辦年貨。雖然Kama少去人多擠迫的地方，但她就表示一年365日都人頭湧湧的花園街年貨最齊全，加上價錢大眾化，所以絕不介意同師奶團「逼過」。
賣口乖氹老闆娘
拍攝當日Kama率先到自己最愛的糖果檔，試食之餘亦不忘向鏡頭大賣口乖，大讚店舖內的糖果種類多又便宜，慳家的她還對老闆娘「討價還價」說：「買兩樣有冇折頭o架？」老闆娘被她笑容俘虜，二話不說便答應她的要求，更笑言：「見你笑得咁靚女，畀個8折你啦!」
教路種靚水仙花
其後Kama到花店挑選水仙花，更即場教路種靚水仙：「種之前可以用刀仔切開少少根部，等水分更容易吸收。聽朋友講喺新年期間種水仙有特別意思，如果年初一開第一朵水仙花，嗰年成年都會行好運，相反如果唔開花，嗰年運程就麻麻。」
買花後，Kama往選購揮春及如意玉匙扣，她表示今年犯太歲，故特意買一個有利她生肖的如意玉匙扣，但求安心。
文：專案組
攝：黎志輝