李曼筠昨日穿上婚紗到新太陽廣場出席情人節活動大派利是，年初一是情人節，自言沒有男友的她透露會與父母一起：「我哋會去行花市，加上二月係父母嘅結婚周年紀念，所以要諗吓送咩畀佢哋。」
李曼筠指雖然有追求者，但因不合要求早已婉拒對方的愛意：「都唔啱，所以唔好喇，寧缺勿濫嘛！（會買嘢送畀自己？）咁慘？不過聖誕同生日我都係自己買禮物喇！」現年廿一歲的李曼筠希望在三十歲前結婚，對象一定要疼錫她的寵物：「因為我好鍾意小動物。（揀個獸醫或者寵物店老闆？）咁寵物店老闆好啲，可以成日對住啲寵物，我都唔介意去寵物店做打雜！」
