賭王的18歲千金何超蓮與男友Jeremy打得火熱，即使Jeremy的前o靚模女友顏后君暗示被人撬牆腳，但仍無損二人感情，超蓮更首度開腔撐男友冇劈腿。昨日下午一時許，超蓮穿着黑色低胸背心現身養和醫院探望賭王爸爸，逗留近三小時後即落銅鑼灣會合Jeremy行街街，二人像連體嬰般手拖手，愛得癡纏。
「我哋好認真o架」
超蓮先到銅鑼灣總統商場地庫一間寵物店為小倉鼠配種，她見到記者即衝口而出：「哎呀！阻住拍拖添！」手持iPhone和LV小手袋的超蓮立即打電話，之後便行到世貿中心大門等候，記者趁機上前問她是否與男友秘密遊日本，令親密照曝光？她笑說：「當然唔係，冇媽咪答應點可以去？但唔知啲相會畀人喺facebook搵到，下次會醒啲。（好穩定？）都係嘅，我哋好認真架！（係咪認定對方？）嘩，冇Sabrina（超盈）咁揚，不過男友都好細心。」她強調男友沒有與顏后君拍過拖，並指對方已致電Jeremy道歉。
對於家姐超雲拍拖，超蓮不小心漏口風說：「唔知，佢哋好神秘。（佢神秘還是男友神秘？）兩個都神秘，哎……我都係唔講咁多。」
傾完一輪，超蓮才發現自己原來等錯門口，知道男友一直在另一邊門口苦等即急腳前往會合，Jeremy見到記者起初有點怕醜，只說：「多謝多謝！」一直保持距離的超蓮和Jeremy始終難掩蜜運男女的愛火，十指緊扣轉入另一商場絕塵而去。而超蓮離開醫院時，亦被追問到為何着得咁性感？她交叉手護胸說：「吓！我着長褲喎！」
超盈信任男朋友
此外，超盈前晚與Moiselle太子陳柏熹出席酒會，雙眼通紅的超盈，不禁令人懷疑她因男友Greg被指劈腿而喊到眼腫，她否認說：「落妝敏感啫，我哋即將拍拖一周年，100%信任佢。」柏熹表示是自己介紹兩人認識，Greg分手後才與超盈認識。超盈電話中續說：「係Daddy提議訂婚，但自己想畢業後先，佢好鍾意Greg。」
文：專案組 攝：追蹤組