楊受成與太太前晚在銅鑼灣筵開五席，祝賀張家輝六度封帝，更贊助兩箱紅酒讓賓客暢飲。大批家輝的圈中好友賞面捧場，包括經理人霍汶希、好友劉青雲、劉偉強夫婦、無綫高層樂易玲、梁家樹、以及近年鮮有露面的甄楚倩等。一眾賓客由晚上七時玩至十一時才盡興離開，家輝還自備賀年糕點送給現場賓客，十分識做。

笑鎮宇坐監

雖然家輝單拖出席，但仍心情大靚，連環搞爛gag。當問到好友吳鎮宇為何缺席時，他即反問記者謂：「佢唔係坐緊監咩？」十分抵死！不過他隨即補鑊說：「佢返咗大陸做嘢嚟唔到啫。」問家輝想楊生送甚麼大禮慶祝時，他又搞笑謂：「佢啲私人飛機畀我都養唔起啦！」

身為六料影帝的家輝今年進帳不少，問他新年利是會否加碼時，他竟表示：「今年叫阿女幫補吓！」他又直言未為太太準備情人節禮物，更肉麻地表示：「得到我個人已經係一個無價寶！」之後與楊生合照期間，楊生向家輝承諾想拍多少部戲就開多少部給他，家輝隨即打蛇隨棍上說：「咁就五、六套啦！」

歐陽震華與黃智賢（右）賀家輝六奪影帝。

霍汶希

受得起六獎

同樣單拖到場的青雲自爆為家輝起了新綽號：「我依家見到佢都叫佢做張六帝！」不過家輝就因為這個新綽號鬧出不少笑話！有一次家輝打給楊生時自稱「張帝」，不過不知就裏的楊生就反問他是「乜水」，家輝只好笑稱是「影帝張家輝」解圍。問家輝對於「張六帝」封號有何感想，他就得戚說：「以我嚟講，有攞過先承受到，否則心膽俱裂！」

文：影視組