o靚界女神Angelababy與陳偉霆（William）感情關係撲朔迷離，雖然Baby已表明兩人現時只是「朋友」關係，但她似乎仍很在意William與阿嬌的緋聞，前晚出席賀歲電影《花田囍事2010》慈善首映禮更醋意大發，句句有骨。

關係降呢「疏遠」

Angelababy對於「霆嬌戀」顯得酸溜溜，還將她與William的關係貶至「疏遠」程度，她表示：「唔關我事，我哋只係普通朋友。（相信傳聞？）唔知。（了解吓？）唔會，我太忙嘞，冇時間去take care啲咁疏遠嘅朋友，大家好耐冇聯絡。」問到是否不再關心對方，她說：「睇吓咩事，我依家關心部戲。」

至於是否已做不回朋友，Baby淡然表示大家見到面亦會「Say Hi」。問到覺得William與阿嬌是否相襯，她竟毫不留情地說：「講真，唔覺得太襯！」問到誰襯不起誰，她則即時語窒。至於是否與她最襯，她作出總結說：「唔好強求呢啲，大家睇我部戲好過！」

陳偉霆否認緋聞，表明只視鍾欣桐為好師姐。

陳偉霆與Angelababy曾是情侶檔。（資料圖片）

William否認緋聞

受到事件影響，Angelababy亦透過個人Blog抒發對愛情見解，她指有人問她怎樣才算「找對人」，自己亦「不太懂」，覺得最重要是幸福和能讓對方開心。她亦張貼了數張日本工作的照片，似是將一切精神轉投在工作上。

另邊廂，William出席《勁歌金曲》錄影時就開腔否認與阿嬌撻着，更指緋聞「好悶」，他表示：「冇撻過，亦冇諗過撻，佢係我心目中嘅好師姐。我入行已識佢，係都一早發生咗。如果係撻，拍戲時（拍《前度》）都已撻咗。」不過，William不諱言拍戲時為投入角色曾產生一點感覺，但一切已隨收機後消失。

有此一着

Angelababy穿着DVF的Tube Dress連身短裙，百褶立體剪裁加上鮮艷顏色，加強了青春可人的氣息。足踏價值兩萬多元的Roger Vivier高跟鞋。

文：影視組