Angelababy情人節將回鄉跟家人度過，對於緋聞男友陳偉霆曾揚言會到當地跟她見面，Baby就斷然拒絕，表示不介意單身過節，更坦言希望能收到有心人的玫瑰花！
Baby昨日與師妹楊汀叮及Sarah出席《虎躍海港樂滿城之「紅」抱財神》活動，更即場與財神抱抱，她坦言去年抱過財神後收入不俗，故今年會預留五位數利是派給工作人員，不過就不會派給陳偉霆，笑言：「佢咁有錢，唔使派！」
唔急搵男友
Baby又指新年將回上海探患病的婆婆，因此情人節當天會與家人一同在當地度過。提到緋聞男友陳偉霆曾表示新年亦將到上海，Baby就說：「我都唔會見到佢！」她續解釋道：「唔想被人見到後又傳緋聞，之後又被寫成地下情。」
至於會否覺得對方借自己宣傳？她說：「我冇咁諗佢，我亦相信佢唔係。」Baby強調自己現在最希望多點時間陪婆婆及家人，表示：「搵男朋友仲有好多日子。」不過，揚言沒拖拍亦不感寂寞的她就透露想收情人節禮物：「我想收玫瑰，睇吓邊個會有心送畀我。」
日本人工高
工作方面，Baby說近日接拍一日本商場廣告，將有機會到夏威夷拍攝，至於人工有否加碼？她說：「日本方面嘅人工已經好高，不過唔使畀利是佢哋，佢哋冇中國新年習俗。」
文：名人組