陳志雲昨日出席奧海城《Mabelle呈獻：志雲「情人節」首選》記者會，多位無綫小生、花旦，如佘詩曼、楊怡、謝雪心、陳敏之、陳倩揚、王君馨等，今屆視帝黎耀祥、歌手吳雨霏及馬來西亞女歌手龔柯允，均有現身撐場。

捐出酬勞利是

陳總本來心情靚靚，但當陳總與王喜在台上對答後，氣氛即急轉直下，王喜先指陳總爆肚，累他不懂接口，之後王喜叫台下嘉賓上台領紀念品，但轉頭又喊停，遭陳總斥：「乜你咁多甩漏，唔怪得無綫唔簽你經理人約。」王喜反駁：「我係冇崔建邦做司儀咁叻。」陳總面色一沉說：「咁又係呀！」王喜面紅耳赤搶白：「我都係頂人咋，講嘢咁有骨嘅？封酬勞利是我會捐畀崔建邦！」

完騷後王喜即閃，陳總強調：「我同王喜講笑搞氣氛，不過佢真係唔係司儀嗰瓣，本來崔建邦應承咗做，後尾克服唔到見咁多人推咗。我係佢嘅生命熱線，主要聽吓佢講嘢，佢依家冇安全感、唔信人、對記者有顧慮。（佢去海地做義工？）其實佢上年已經想去非洲做義工，或者三月底出發，同班志願人士一齊去，五月有籌款活動，我想佢到時可以出現。（上無綫剖白？）應該唔會，佢唔想講嘢傷到人。」

強顏歡笑	一眾花旦和歌手亦有到場畀面陳總。

楊思琦拒瞞婚

戴上眼鏡扮老師的楊怡表示要做老師教大家珍惜生命，而楊思琦則被問會否效法被傳已婚的陳法拉，她說：「都係傳，結咗婚會有個幸福樣，何況我結婚會公告天下。」

文：影視組