Leon前晚與任賢齊、劉浩龍、李治廷等舉行《新城「情人節i Do」音樂會》，身為「金句天王」的Leon當然不會錯過發表偉論機會，與觀眾分享英格蘭足球員泰利搭上隊友女伴事件的對與錯，以表達對現今男女關係混淆的看法，又從事件中悟出大道理說：「呢件事嘅教育意義係要人分清黑白，千祈唔好當泰利係熊貓，黑白混淆！」

扯實唔放

Leon以「金句」會友，小齊則「瞓身」近距離冧fans，於觀眾席中出現握手助興，小齊表示fans相當熱情，有扯着他不放，但未有被博懵，他笑說：「拉住我唔放嗰隻手好幼嫩，應該係女仔，唔會抓到其他地方咁大膽啩？如果好似碧咸咁畀人抓下面就大鑊喇！」

小齊又笑言「大細」看天氣，憶述當兵時，同伴於10度下游水後要沖熱水涼才能回復「正常」，小齊說：「成日會赤條條相對，睇到唔想睇。（比較？）有時一堆男仔都會，人之常情啦！」

小齊被熱情女粉絲緊擁入懷，女友Tina看到後會否呷醋？

放大圖片

四片在手

此外，小齊又稱於學生年代經常比較底褲性感，他說：「我成日贏，係性感象徵！依家冇以前咁fit，令我自尊心受損。」小齊透露現有四部片約在身，已忙得沒有時間休息與keep fit，驚嘆鄭裕玲曾有「鄭九組」之稱的厲害。而新年期間他未有時間陪父母度歲，故他正計劃初七相約家人，於澳門個唱上一聚。

文：音樂組